Forma parte da colección “Tradición oral-etnografía” e conta cunha fermosa introdución de Uxío Novoneyra Rei, as aportacións e a complicidade profesional de José M. Salgado nas fotografías, Inés de la Peña na maquetación, Antonio Puentes na revisión lingüística, Xosé Xoga na cartografía, Graficas Lar nas artes finais e na impresión, e a aportación gráfica de Carlos Rueda, Xosé Marra, Carlos López Mouriz, José Luís Martínez Sande, Luz e Carmen Vergara Ramos, Marcos Pol, Manuel Castro, Felipe Castro, Aurora Castro Ochoa, Arquivos da Casa Lemeso e Olga María Iglesias, que cederon xenerosamente valiosas imaxes para o libro e o apoio da Deputación Provincial de Lugo e o Concello de Folgoso do Courel.

O libro vai acompañado dun fermoso marcapáxinas e dous mapas a tamaño 42 x 59,4 cm, un deles do concello e o outro coa microtoponimia do entorno da aldea do Carballal, que é o epicentro da publicación.