COLECCIÓN

Manuel Fernández Díaz. Manuel do Juano

VV.AA.

PREZO:

27,00 IVE inc.

SINOPSE

NOVIDADE

VISTA PREVIA

SEN GASTOS DE ENVÍO

NOVAS

 

Manuel Fernández Díaz, Manuel do Juano, é (xunto con Desiderio Sampayo, Constante Fernández e Modesto Arias) un dos derradeiros gaiteiros do que chamaríamos a vella xeración de músicos da montaña nas terras de Fonsagrada, depositario do importante repertorio e a técnica dun territorio rico en grandes intérpretes que se foron indo rapidamente nos últimos tempos.

No libro coñecerás a súa biografía e a dos outros dous compañeiros: Antón de Paradiñas e Dositeo do Fito, así como a das persoas que o influiron musicalmente e lle aportaron temas, as súas fontes musicais. Analízase a técnica, o estilo e o repertorio de Manuel. E para contextualizar o tempo e as situacións nas que tiña a oportunidade de mostrar as súas aptitudes musicais, relátase como eran as festas e as xuntanzas de socialización ao longo do ano. Por iso encontrarás aquí sinxelas descricións das mallegas, dos roxois, da esfollada, dos instrumentos dos nenos-pastores, do Entroido, o magosto, as vodas e o costume de repartir o cantelo… para evitar o seu esquecemento e para reactivar, no lector e na comunidade veciñal, a valoración polo patrimonio local herdado dos devanceiros.

Unha obra, en definitiva, que se torna indispensable para as persoas que aman a música tradicional e, especialmente, aos antigos gaiteiros con toda a cultura que representan.

O libro vai acompañado dun CD con 26 temas interpretados maxistralmente (como se poderá apreciar) polos últimos membros do grupo Amigos da Gaita: Manuel (gaita), Dositeo (tamboril) e Antón (bombo).

Dentro da lapela da portada contén un mapa despregable do concello da Fonsagrada, de 420 x 594 mm, deseñado exclusivamente para esta publicación.

FICHA TÉCNICA

Autores: Daniel Carballo Penelas. Antón Santamarina. Guillermo Fernández. Pepe Vaamonde. Pablo Quintana. Bieito Romero. Sagrario Fernández. Pedro Núñez. Vicente Ansola Trueba.
Formato: 170x240 mm
Nº de páxinas: 238
Encadernación: Rústica con lapelas
Contido extra: 1 mapa de 420 x 594 mm e 1 marcapáxinas
Peso: 700 gr
Lingua de publicación: Galego
Montaxe de audio: Pablo Barreiro
Data de edición: Agosto, 2021
Número de edición:
ISBN: 978-84-09-30344-1
Depósito Legal: C 614-2021
Prezo: 27€

NOVAS

Non hai produtos no carro
Seguir mercando
Utilizamos cookies propias y de terceros para realizar el análisis de la navegación de los usuarios y mejorar nuestros servicios. Si continúa navegando, consideramos que acepta su uso. Puede obtener más información, o bien conocer cómo cambiar la configuración, pulsando en Máis información;