Manuel Enríquez Fernández. Nela de Bres.

Obra colectiva que xira arredor da figura do gaiteiro Nela de Bres, na que participaron un importante número de persoas. Contén interesantes datos sobre a música de tradición oral conservada e interpretada por este músico popular do concello asturiano de Taramundi, a súa biografía, repertorio e técnica, así como as biografías das súas fontes e dos intérpretes que o acompañaron na gravación do CD de regalo que se inclúe, con 24 temas, algúns deles inéditos ata o momento.

A segunda parte da obra é un álbum fotográfico dividido en tres apartados. O primeiro é unha serie de fotografías realizadas en exclusiva para esta ocasión polo fotógrafo cántabro Vicente Ansola, recente ganador do premio Hasselblad Masters 2012. O segundo está formado por diversas imaxes de Nela en diferentes situacións e acompañado de numerosos músicos amigos. O último bloque contén varias imaxes tomadas durante a gravación do CD.

Conta con textos de Pablo Quintana, Juanjo Fernández, Xerardo F. Santomé, Xosé Ambás, Luis Prego e Xabier Díaz, ademais de 125 fotografías de Vicente Ansola, Florencio Rodríguez, Edelmiro Fernández, Xosé Ambás, Eduardo Rivo, Juanjo Arrojo ou Jacobo Quintana.

ENVÍO GRATIS EN COMPRAS SUPERIORES A 50€