Informe sobre los Oscos

FRAGMENTO

O Informe sobre los Oscos é o resultado dun traballo de campo efectuado en 1959 polo Perito Agrícola da Granxa de Tineo Julio Antonio Fernández Lamuño, quen se achegou a esta comarca asturiana, por encargo da Deputación Provincial, para realizar un estudo sobre as súas características e necesidades agropecuarias, económicas e sociais. A memoria, mecanografiada e encadernada a man, enriqueceuse con interesantes fotografías e datos de gran valor etnográfico e cultural, tomados directamente dos habitantes deste territorio.

Cincuenta anos despois da súa elaboración, publícase por primeira vez. Nesta ocasión complementouse cunha introdución exclusiva feita polo autor cos recordos daquel traballo e cun profundo e ameno estudo, a cargo do historiador José Antonio Álvarez Castrillón, cuxo obxectivo é dotar de contexto histórico á comunidade rural reflectida no informe, partindo do neolítico até o momento da súa redación e dende entón até a actualidade.

ENVÍO GRATIS EN COMPRAS SUPERIORES A 50€