Pepe Vaamonde (Mesía, A Coruña, 1971) é un recoñecido gaiteiro de longa traxectoria e cunha dilatada experiencia de trinta anos na docencia como profesor de gaita galega.
Estudou no Conservatorio Mayeusis de Vigo o Título Profesional de Música na especialidade de gaita e desde o ano 2001 traballa como Mestre de Gaita no Centro Autorizado de Música Fingoi de Lugo, colaborando ademais, desde 1994, coa Asociación Cultural Antaruxas e Sorteiros da Fonsagrada.
Como gaiteiro cabe destacar que foi o intérprete que máis concursos de gaita solista gañou na década dos anos noventa, entre eles o prestixioso “Constantino Bellón” en tres ocasións. Artísticamente lidera Pepe Vaamonde Grupo que, con vinte anos de historia e catro CDs publicados (Aviouga, Onde nace o vento, Introterra e Nas Pedras do Lar) ten realizado máis dun cento de actuacións en directo nos principais escenarios referentes de este estilo musical, como o Festival de Ortigueira, Festival de Lorient, e un longo etc.
Cabe destacar tamén o seu traballo de investigación e control de calidade de todos os instrumentos que se fabrican no Obradoiro de Gaitas Lis. Logrando un recoñecimento co Primeiro Premio Artesanía de Galicia, en 2008, polo Punteiro Afinable deseñado e construído no taller. Para coñecer un pouco máis a Pepe Vaamonde pódese consultar a súa web pepevaamondegrupo.com
Con Editorial Canela ten participado como coautor no libro Manuel Fernández Díaz. Manuel do Juano (2021).
