Taramundi, mil versos

VISTA PREVIA E ÍNDICE

Taramundi, mil versos, escrito por Alberto Calvín Corredoira, é o segundo libro da colección “Filso da Bovia”, que ten como obxectivo visibilizar, conservar, apoiar e proxectar a produción literaria escrita en galegoasturiano, poesía e narrativa, respectando as variantes lingüísticas locais utilizadas polos autores.

Contén os poemarios: Taramundi, mil versos, con 23 composicións enfocadas ao público xeral, e Flores de Abruñeiro, con 63, premiado cunha Mención de honra no VI Premio Arume de Poesía da Fundación Xosé Neira Vilas o ano 2011 e dirixido aos máis novos. Deste xeito abarca dúas facetas compositivas do autor.

Conta coa colaboración, como editor e autor do Limiar, de Xoán Babarro, creador de numerosos libros de literatura infantil e xuvenil, ensaios, traducións, colaborador en varias obras colectivas, con moitos premios recibidos, editor dos monográficos: 21 poemas, de Antolín Santos Mediante Ferraría (Concello de Taramundi, 2002) e Poesía completa, de Antolín Santos Mediante Ferraría (Fundación Barrié, 2008). Ademais, estudou o galego de Asturias e publicou relevantes obras sobre o tema.

A través do libro pódese acceder a un vídeo 4K, de 28 minutos de duración, onde Alberto recita varios poemas incluídos nel, e algún extra, gravados en diversas localizacións do concello de Taramundi.

Enriquecido con gravados relacionados coa decoración da cuchillería local no seu interior, e unha acuarela de portada realizada especialmente para esta obra por Laura Romero, foi producido e fabricado integramente en Galicia e no occidente de Asturias.

ENVÍO GRATIS EN COMPRAS SUPERIORES A 50 €